مه‌ودا میدیا-

دواى ئه‌وه‌ى كۆبوونه‌وه‌ى ئه‌مڕۆى نێوان وه‌فده‌كه‌ى هه‌رێم له‌گه‌ڵ وه‌زاره‌تى دارایی عیراق له‌ سه‌ر پرسى مووچه‌ به‌بێ ئه‌نجام كۆتاییهات، ئەندامێكى مەکتەبی سیاسیی پارتی ده‌ڵێت "وه‌فدێكى ترى هه‌رێم له‌ سه‌ر هه‌مان پرس ده‌ڕواته‌ به‌غدا".

هێمن هەورامی، ئەندامی  مەکتەبی سیاسیی پارتی دیموكراتى كوردستانرایده‌گه‌یه‌نێت "سه‌باره‌ت به‌ پرسى مووچه‌ وه‌فدێکی تریش لەم رۆژانە بۆ ده‌ڕواته‌ بەغداد".

وتیشى "ئومێددەخوازین لە رۆژى شەممەوە مووچەی مانگی ته‌ممووز خەرجبکرێت".

ئه‌مه‌ له‌ كاتێكدایه‌، له‌ئێستادا وه‌فدێکی وەزارەتی دارایی و ئابووریی حكومه‌تى هەرێمی کوردستان بۆ هه‌مان پرس له‌ به‌غداده‌.

پ ح ع