مه‌ودا میدیا-

له‌ ماوه‌ى مانگى رابردوو نرخى یه‌ك به‌رمیل نه‌وتى ماڵان بۆ 135 هه‌زار دینار دابه‌زى، به‌ڵام چه‌ند رۆژێكه‌ نرخه‌كه‌ى گرانبووه‌.

ئارى سه‌لاح، نه‌وتفرۆش به‌ مه‌ودا میدیاى راگه‌یاند "نرخى نه‌وتى ماڵان چه‌ند رۆژێكه‌ گرانبووه‌ و هۆكاره‌كه‌ش ئه‌وه‌یه‌ خواستى زۆرى له‌سه‌ر دروستبووه‌".

وتیشى "یه‌ك به‌رمیل له‌ 155 هه‌زار دینارایه‌ پێشتر به‌ 135 هه‌زار دیناربوو، هه‌تا به‌ره‌و وه‌رزى پایز بچین زیاتر گران ده‌بێت".

باسى له‌وه‌شكرد "ئه‌گه‌ر حكومه‌تى هه‌رێم و حكومه‌تى عیراق به‌ زوویی نه‌وت بنێرێن و دابه‌شبكرێت به‌سه‌ر هاوڵاتییان خواست له‌سه‌ر نه‌وتى بازاڕ نامێنێت و نرخیش زۆر گران نابێت".