مه‌ودا میدیا-

هه‌ڵسوڕاوى دیارى بزووتنه‌وه‌ى گۆڕان رایده‌گه‌یه‌نێت، پێش 10ى ئه‌م مانگه‌ هه‌ڵبژاردن بۆ خانه‌ى راپه‌ڕاندن و رێكخه‌رى گشتى بزووتنه‌وه‌ى گۆڕان ده‌كرێت.

رزگار محه‌مه‌د، هه‌ڵسوڕاوى بزووتنه‌وه‌ى گۆڕان به‌ مه‌ودا میدیاى راگه‌یاند "به‌پێى دوایین بڕیار كه‌ دیاریكراوه‌، بزووتنه‌وه‌ى گۆڕان له‌ هه‌فته‌ى داهاتوو خانه‌ى راپه‌ڕاندن و رێكخه‌رى گشتى هه‌ڵده‌بژێرێت".

وتیشى "پێویسته‌ پێش 10ى مانگ ئه‌و هه‌ڵبژاردنه‌ بكرێت چونكه‌ كات نه‌ماوه‌".

باسى له‌وه‌شكرد "تا ئێستا دانا ئه‌حمه‌د مه‌جید، تاكه‌ كاندیده‌ بۆ رێكخه‌رى گشتى بزووتنه‌وه‌كه‌ و هیچ ناڕه‌زایه‌تییه‌كیش نییه‌ له‌و باره‌وه‌".