مەودا میدیا-
بەپێی ئامارێكی وەزارەتی پلاندانان، كۆی ژمارەی دانیشتوانی عیراق نزیكەی 43 ملیۆنە و هەرێمی كوردستانیش شەش ملیۆن و 500 هەزار كەسە.

عەبدولزەهرە هینداوی، وتەبێژی وەزارەتی پلاندانانی عیراق رایگەیاند "ژمارەی دانیشتوانی عیراق بە نزیكەیی 43 ملیۆن كەسە، كە لەو رێژەیەش 50.5% لە رەگەزی نێر و 49.5% لە رەگەزی مێن".

وتیشی "وەزارەتەكەیان ئامادەكاری تەواوی كردووە بۆ سەرژمێری دانیشتووان و لە رۆژی 20ی تشرینی یەكەم دەست بە پرۆسەكە دەكەن".

لە لایەكی تریشەوە بە پێی وتەی مەحمود عوسمان، سەرۆكی دەستەی جێبەجێكاری سەرژمێریی گشتی لە عیراق "كۆی ژمارەی دانیشتوانی هەرێمی كوردستان نزیكەی شەش ملیۆن و 500 هەزار كەسە".  
ئ پ