بەرەبەیانیی ئەمڕۆ لە یەكەم رۆژی كردنەوەی بازاڕەكاندا، نرخی نەوت یەك دۆلار بەرزبوونەوە.

بەیانی ئەمڕۆ نرخی نەوتی برێنتی دەریای باكوور، 99 سەنت بەرزبووەوە و یەك بەرمیلی بە 72 دۆلار و 5 سەنت مامەڵەی پێوەكرا، نرخی نەوتی سووكی تەكساسی ئەمریكاش 1 دۆلار بەرزبووەوە و بە 68 دۆلار و 67 سەنت مامەڵەی پێوەكرا. 
 
بە پێی شكاریی شارەزایان، نزیكبوونەوەی باهۆز و زریان لە كەنارە ئاوییەكانی كەنداوی مەكسیكۆ كە كێڵگە نەوتییە گەورەكانی ئەمریكا و پاڵاوگەكانی لێیە، هۆكاری سەرەكیی بەرزبوونەوەی نرخی نەوتە، چونكە ناوەندی باهۆزی ئەمریكا رایگەیاندووە بە ئەگەری زۆرەوە ئەو كەشوهەوا توندەی هەیە، دەگاتە كەنارە ئاوییەكانی كەنداوی مەكسیكۆن و 60٪ی پاڵاوگە نەوتییەكانی ئەمریكا دەكەوێتە ئەو ناوچانەوە. 
ئ پ