ئابووری
ئەمساڵ هەنگەوان هەنگوینی نەبوو
مەودا میدیا - سلێمانی |
مەودا میدیا-
سەرۆکی کۆمەڵەی هەنگەوانانی کوردستان رایدەگەیەنێت، ئەمساڵ هەنگەوانانی کوردستان هەنگوینیان نەبوو، هەنگوینیش هەناردەی دەرەوە ناکەن.
عارف شێروانی، سەرۆکی کۆمەڵەی هەنگەوانانی کوردستان بە مەودا میدیای راگەیاند "ئەمساڵ هەنگەوانان هەنگوینیان نەبوو، ئەوەی ئەمساڵ روویداوە لە بێ هەنگوینی لە 40 ساڵی رابردوو رووینەداوە".
وتیشی "خراپترین ساڵ بوو بۆ هەنگەوان، ئەمساڵ رێژەی هەنگوین زۆر کەمبوو، پار ساڵ 500 تەن هەنگوین بەرهەم هات، بەڵام ئەمساڵ ناگاتە 50 تەنیش".
باسی لەوەشکرد "ساڵانی رابردوو هەنگوینمان بۆ ئیمارات و قەتەر ناردووە، بەڵام ئەمساڵ هەنگوین هەناردە ناکەین چونکە نیمانە".
ع
بیروڕا
