مه‌ودا میدیا-

رێگریكردن له‌ هاوردەکردنى به‌رهه‌مه‌ په‌له‌وه‌رییه‌كان بۆ عیراق له‌ لایه‌ن حكومه‌تى عیراقه‌وه‌ به‌رده‌وامى هه‌یه‌ و بە بڕیارێک رێگریكردنى هاورده‌كرنى به‌رهه‌مى مریشكى دووپاتكرده‌وه‌ به‌ تایبه‌ت لە هەرێمى کوردستانەوە.

لە نوسراوێکدا ئەنجومەنی وەزیرانی عراق ئاشكرایكردووه‌ "حکومەتی عیراق سووربوونى خۆى  دووپات كردووه‌ته‌وه‌ لە سەر رێگریکردن لە گواستنەوەی بەرهەمی كێڵگە پەلەوەرییەكانی هەرێمی كوردستان لە رێگەی ئەو بازگانەی لە ناوەراست و باشووری عیراق دایانناوە".

ئه‌وه‌ش هاتووه‌ "حکومەتی عیراق بە پێویستی دەزانێت کارگە و کێڵگە پەلەوەریەکانی هەرێم لە بەغداد تۆمار بکرێن".

ئه‌مه‌ له‌ كاتێكدایه‌، خاوەن کێڵگە پەلەوەرییەکانى هه‌رێم گله‌یی ساغنه‌بوونه‌وه‌ى  به‌رهه‌مه‌كانیان هه‌یه‌ بەهۆى رێگریكردن لە هەناردەى مریشك بۆ ناوەڕاست و باشوورى عیراق و بووه‌ته‌ هۆى ئه‌وه‌ى زیانێكى زۆریان پێبگات.

پ ح ع