هەرچەندی بڕیار بوو خانەنشینانی سەربازی بۆ مانگی هەشت مووچەكانیان بە هاوتاكراوی لەگەڵ بەغدا وەربگرن، بەڵام بەهۆی چارەسەرنەكردنی كێشەكانەوە هاوتاكردنەكە دەكەوێتە مانگی نۆ. 

هادی ئەكرەم، بەڕێوەبەری جێبەجێكار لە بەڕێوەبەرایەتیی خانەنشینی پێشمەرگە لە سلێمانی، رایگەیاند "هێشتا كێشەكان بە تەواوی چارەسەر نەكراون، بۆیە ببۆ مانگی هەشتیش مووچەی خانەنشینان هاوتا ناكرێت".

وتیشی "ئەگەر كێشەكان چارەسەر بكرێن، ئەوا بۆ مانگی نۆ خانەنشینانی سەربازی مووچەكەیان بە هاوتاكراوی وەردەگرن، بەڵام بۆ مانگی نۆیش هێشتا دیارنییە چارەسەر دەكرێت یان نا". 

ئەوەش لە كاتێكدایە كە ئەم ساڵ بۆ یەكەم جار، خانەنشینانی هەرێمی كوردستان مووچەی مانگی حەوتیان بە هاوتاكراوی لەگەڵ مووچەی خانەنشینانی عیراق وەرگرت، بەلڵام خانەنشینانی سەربازیی تا ئێستا هاوتا نەكراوە و دیاریش نییە كەی هاوتا دەكرێت".
ئ پ