مه‌ودا میدیا-

سەرۆکی دیوانی ئەنجومەنی وەزیرانى هه‌رێمى كوردستان رایگەیاند، هەفتەی داهاتوو دەچینە بەغداد و لیستی مووچەی مانگی 8 دەبەین له‌گه‌ڵ خۆمان.

ئومێد سەباح سەرۆکی دیوانی ئەنجومەنی وەزیران رایگه‌یاند "له‌ سه‌ردانه‌كه‌مان بۆ به‌غدا نزیکەی دوو رۆژ لەوێ دەبین، لیستى مووچه‌ى مانگى هه‌شت ده‌به‌ین له‌گه‌ڵ خۆمان".

باسى له‌وه‌شكرد "پاش ئەوەش لیستی مووچەی مانگی 9 دەنێرین بۆ بەغداد و لە هەفتەیەکی دواتردا مووچەی مانگی 9 دابەشدەکرێت".

بەپێی وتەکانی سەرۆکی دیوانی ئەنجومەنی وەزیران، دابەشکردنی مووچەی مانگی 8 و 9 دوا دەکەوێت بەهۆی درەنگ ناردنی لیستی مووچە و چاککردنی تێبینییەکانی بەغداد لەسەر لیستی مووچە.

ع