مه‌ودا میدیا-

وته‌بێژى به‌نزینخانه‌كانى سلێمانى رایده‌گه‌یه‌نێت، له‌ چه‌ند رۆژى داهاتوو ده‌ست به‌دابه‌شكردنى نه‌وتى سپى له‌ سنورى پارێزگاى سلێمانى و هه‌ڵه‌بجه‌ ده‌كرێت.

به‌همه‌ن قادر، وته‌بێژى به‌نزینخانه‌كانى سلێمانى به‌ مه‌ودا میدیاى راگه‌یاند "ئه‌و بڕه‌ نه‌وته‌ى بۆ سلێمانى ته‌رخانكراوه‌ 105 ملیۆن لیتره‌ بۆ هه‌موو پارێزگاكه‌یه‌ به‌ ئیداره‌ى راپه‌ڕین و گه‌رمیان  به‌ پارێزگاى هه‌ڵه‌بجه‌ش".

وتیشى "نرخى یه‌ك به‌رمیل نه‌وت 104 هه‌زار دینار دیاریكراوه‌، سه‌ره‌تاى دابه‌شكردنه‌كه‌ش له‌ ناوچه‌ شاخاوییه‌كان ده‌بێت و له‌ چه‌ند رۆژى داهاتوو ده‌ست به‌ دابه‌شكردن ده‌كرێت".

باسى له‌وه‌شكرد "نه‌وته‌كه‌ له‌ لایه‌ن وه‌زاره‌تى سامانه‌ سروشتییه‌كان ته‌رخانكراوه‌ و حكومییه‌".