مه‌ودا میدیا-

ئه‌ندامێكى په‌رله‌مانى عیراق له‌ فراكسیۆنى پارتى دیموكراتى كوردستان رایده‌گه‌یه‌نێت، هه‌فته‌ى داهاتوو مووچه‌ى مانگى هه‌شت و هه‌فته‌ى دواتر مووچه‌ى مانگى نۆ ره‌وانه‌ى هه‌رێم ده‌كرێت.

ئیخلاس دلێمى، ئه‌ندامى لیژنه‌ى دارایی عیراق به‌ میدیاكانى پارتى راگه‌یاندووه‌ "ئه‌گه‌ر له‌ دوو رۆژى داهاتوو به‌غدا پاره‌ى مووچه‌ى مانگى هه‌شت ره‌وانه‌ نه‌كات، ده‌كه‌وێته‌ هه‌فته‌ى داهاتوو".

وتیشى "له‌ هه‌فته‌ى داهاتوو به‌غدا مووچه‌ى مانگى هه‌شتى فه‌رمانبه‌رانى هه‌رێم ره‌وانه‌ ده‌كات و له‌ هه‌فته‌ى دواتر مووچه‌ى مانگى ره‌وانه‌ ده‌كرێت".

له‌كاتێكدا فه‌رمانبه‌رانى هه‌رێم له‌ ناوه‌ڕاستى مانگى ئه‌یلولدان، به‌ڵام تا ئێستا مووچه‌ى مانگى هه‌شت دابه‌ش نه‌كراوه‌.

ع