مه‌ودا میدیا-

ئەپیکور، سه‌باره‌ت به‌ دەستپێکردنەوەی هەناردەکردنی نەوتی هەرێمی کوردستان، داوا ده‌كات کۆبوونەوەکانی هه‌رێم و عیراق به‌رده‌وام بێت.
 
لە راگەیه‌ندراوێکدا ئه‌مڕۆ یه‌كشه‌ممه‌ کۆمەڵەی پیشەسازیی نەوتی کوردستان(ئەپیکور)داوای کرد، هەناردەکردنەوەی نەوتی هەرێمی کوردستان لەرێگەی بۆریی نەوتی عیراق - تورکیا،  بە زووترین کات دەستپێبکاتەوە".

وه‌ك له‌ راگه‌یه‌ندراوه‌كه‌دا ده‌ریخستووه‌، ئەپیکور ئامادەیی ئەندامانی نیشانداوە بۆ دەستپێکردنەوەی هەناردەکردنی نەوت، بەو مەرجەی دڵنیایی بدرێت، كه‌ هەقدەستی پێشوو و داهاتووی کۆمپانیاکان بدرێت و مەرجە ئابووری و بازرگارنییەکانیشیان بپارێزرێن.
 
هه‌روه‌ها داواكاره‌، له‌م کۆبوونەوەی 24ی ئەم مانگەی کۆمەڵەی گشتیی نەتەوە یەکگرتووەکان لە نیویۆرک، حکومەتی عیراق بە هه‌ماهەنگی حکومەتی هەرێم و کۆمپانیا نێودەوڵەتییەکان کێشە هەڵپەسێدراوەکانی نێوانیان چارەسەر بکەن و بە زووترین کات پرۆسەی هەناردەکردنی نەوت دەستپێبکاتەوە.
 
ئه‌مه‌ له‌ كاتێكدایه‌، هەناردەى نەوتى هەرێمى کوردستان لە رێگەى بەندەرى جەیهانى تورکیاوە لە 25ى ئادارى ساڵى 2023ه‌وە راگیراوە.

پ ح ع