مه‌ودا میدیا-

به‌پێى وته‌ى وتەبێژی وەزارەتی پلاندانانی عیراق، 90% کارەکانی سەرژمێری گشتی تەواوبووە و ئه‌وه‌ش وا ده‌كات لەکاتی خۆیدا پڕۆسەکە ئەنجام بدرێت".

عەبدولزەھرە ھنداوی، وتەبێژی وەزارەتی پلاندانانی عیراق ئاشكرایكردووه‌ "به‌رده‌وامن له‌ كارەکانی سەرژمێری گشتی و له‌ ئێستادا بەرەوپێشچوونی بەرچاوی بەخۆوە بینیوە".

وتیشى "به‌و پێیه‌ بێت سەرژمێرییەکە لەکاتی خۆیدا ئەنجام ده‌درێت، چونكه‌ ئه‌وان کارە مەیدانییەکانیان لە مانگی نۆوه‌ دەستپێکردووە".

روونیشیكرده‌وه‌ "له‌گه‌ڵ ئه‌وه‌شدا کارەکانیان بە ھۆی تەکنیکی کەمێک درەنگ کەوتوون، بەڵام بە گشتی 90%ى کارەکان تەواوبوون".

ئه‌مه‌ له‌ كاتێكدایه‌، بڕیارە سەرژمێری گشتی لە عیراق و ھەرێمی کوردستان لە رۆژی 20ی مانگی تشرینى دووه‌مى ئه‌مساڵ بەڕێوەبچێت.

پ ح ع