مەودا میدیا-

ژووری ئۆپراسیۆن و بەڕێوەبردنی قەیران و کارەسات، کات و ئەو شوێنانەی بڵاوکردەوە کە بارانی چڕی لێدەبارێت.

ژووری ئۆپراسیۆن و بەڕێوەبردنی قەیران و کارەسات رایگەیاند "بەپێی پێشبینییەکانی کەشناسی سبەینێ کاتژمێر 6:00ی بەیانی لە هەولێر بارانبارینی چڕ دەستپێدەکات و تاوەکو کاتژمێر 12:00 بەردەوام دەبێت، درەنگانی شەو دەستپێدەکاتەوە تاوەکو کاتژمێر 6:00ی دووشەممە بەردەوام دەبێت".

ئاماژەی بەوەشکردووە "سبەینێ یەکشەممە لە سلێمانی  لە کاتژمێر 6:00ی بەیانی بارانبارینی چڕ دەستپێدەکات و تاوەکو کاتژمێر 3:00 بەردەوام دەبێت".

باسی لەوەشکردووە "لە دهۆک سبەینێ یەکشەممە لە کاتژمێر 6:00ی بەیانی بارانبارین دەستپێدەکات و 24 کاتژمێر بەردەوام دەبێت".

وتیشی "سبەینێ یەکشەممە لە هەڵەبجە  لە کاتژمێر 9:00 بارانبارینی چڕ دەستپێدەکات و تاوەکو کاتژمێر 12:00 بەردەوام دەبێت".

هەر بەپێی راگەیەندراوەکە "سبەینێ لە کەرکوک و گەرمیان کاتژمێر 9:00 بارانبارین دەستپێدەکات تاوەکو کاتژمێر 12:00 بەردەوام دەبێت".

بەپێی پێشبینییەکانی کەشناسی هەرێم، زۆرترین بڕی بارانبارین لە هەڵەبجە دەبارێت کە 40 بۆ 50 ملیمەترە، لە هەولێر، سلێمانی و راپەڕین 30 بۆ 40 ملیمەتر دەبێت، لە کەرکوک، گەرمیان و زاخۆ ئاستی بارانی پێشبینیکراو 25 بۆ 35 ملیمەتر دەبێت، لە دهۆک و سۆران 20 بۆ 30 ملیمەتر دەبێت.

ب ح