عیراقی
لە دهۆکەوە 326 ئاوارەی تر گەڕانەوە بۆ شەنگال
مەودا میدیا - سلێمانی |
مەودا میدیا-
گەڕانەوەی ئاوارەکان بۆ ناوچەکانی خۆیان بەردەوامە و ئەمڕۆش 326 ئاوارەی تر لە کەمپی مام رەشان لە دهۆک، گەڕانەوە بۆ شەنگال.
وەزارەتی کۆچ و کۆچبەرانی عیراق رایگەیاند "جێبەجیکردنی پلانی ئەنجومەنی وەزیرانی عیراق بۆ گەراندنەوەی ئاوارەکان بۆ زیدی خۆیان بەردەوامە".
ئاماژەی بۆ ئەوەشکردووە "گەڕاندنەوەی 326 ئاوارەی ئەمڕۆ بۆ شەنگال بە هەماهەنگی حکومەتی هەرێم و دەسەڵاتی خۆجیی و رێکخراوی کۆچی نێودەوڵەتی بووە".
ئەمەش لە کاتێکدایە، بەپێی بڕیاری حکومەت و وەزارەتی کۆچ و کۆچبەرانی عیراق، هەرخێزانێکی ئاوارە، کە دەگەڕێتەوە بۆ ناوچەکەی خۆی بڕی 4 ملیۆن دینار و پارچە زەوییەکی پێدەدەرێت.
ب ح
بیروڕا
