مەودا میدیا-

ئەمڕۆ سەرۆک کۆماری عیراق مستەفا کازمی راسپارد بۆ پێکهێنانی حکومەتی نوێی عیراق و کازمیش لە وتارێکیدا دەڵێت "حکومەتێکی خزمەتگوزار پێکدەهێنم".

مستەفا کازمی، راسپێردراو بۆ حکومەتی نوێی عیراق لە وتارێکیدا رایگەیاند "بە نزیکترین کات بەرنامەی حکومەتەکەم پێشکەش بە پەرلەمانی عیراق دەکەم و حکومەتێکی خزمەتگوزار پێکدەهێنم".

ئەوەشی خستەڕوو "ئاوارەکان لە هەر شوێنێک بن دەیان گەڕێنینەوە ناوچەکانی خۆیان، هەروەها بەکردار دەیسەلمێنی کە پێکهێنانی حکومەت لەلایەن هاوڵاتییانەوە".

ئاماژەی بەوەشکرد "سەرجەم رێککارەکانی تایبەت بە خۆپارێزی بۆ تێپەڕاندنی مەترسیی ڤایرۆسی کۆرۆنا دەگرینە بەر و هاوکاری تەواوی پزیشکان و هێزە ئەمنییەکان دەبین".

کازمی وتی "سەروەری عیراق هێڵی سورە و سازشی لەسەر ناکەین و پرسی مشتومڕ نییە و بڕیار بۆ عیراقییەکان ەو عێراق نابێتە پاشکۆی هیچ کەس".