مەودا میدیا-

ئەمڕۆ 2024/11/18، گرووپى مقاوەمەی ئيسلامیی لە عیراق بە فڕۆکەی بێفڕۆکەوان هێرشيان کردە سەر  باشووری ئیسرائیل.

گرووپى مقاوەمەی ئيسلامی رایگەیاند "لە وەڵامی ئەو کۆمەڵکوژییانەی ئيسرائيل دژی خەڵکی مەدەنی فەلەستین و لوبنان ئەنجامیدەدات، بە فڕۆکەی بێفڕۆکەوان هێرشیان کردووەتەسەر ئامانجێکی گرنگ لە ئوم رەشڕاش لە ئیلات".

ئاماژەیان بۆ ئەوەشکردووە "هێرشەکانیان بەشێوەیەکى بەرفراوان بۆ سەر سنوورەکانی ئیسرائیل بەردەوام دەبێت".

ئەمەش لە کاتێکدایە، کە ئەمریکا لەبەرانبەر هێرشی گرووپە چەکدارەکان، چەند جارێک حکومەت و سەرکردەکانی عیراقی لە کاردانەوەکانی ئیسرائیل ئاگادار کردووەتەوە.

ب ح