مه‌ودا میدیا-

وەزیری بەرگریی تورکیا رایگه‌یاند، وڵاتەکەی دەستی کردوە بە هەنگاوی کۆنکرێتی سەبارەت بە یاداشتنامەی لێکتێگەیشتنی هاوکاری ئەمنی و بەرەنگاربوونەوەی تیرۆر کە لەگەڵ عیراق واژۆ کراوە.

یه‌شار گوله‌ر، وەزیری بەرگریی تورکیا رایگه‌یاند "تورکیا لە نزیکەوە هاوکاری حکومەتی هەرێم دەکات لە باکووری عیراق بۆ دەستەبەرکردنی ئارامی لە ناوچەکە".

وتیشى "ئه‌و كاره‌ ده‌كه‌ین بۆ کۆتاییهێنان بە "بوونی ئەو رێکخراوە تیرۆریستییە"، وەک ئاماژەیەک بۆ پارتی کرێکارانی کوردستان".

باسى له‌وه‌شكرد "شەڕی تورکیا دژ بە تیرۆر بێوەستان بەردەوام دەبێت تا ئەوکاتەی هێزه‌كانی پارتی کرێکارانی کوردستان (په‌كه‌كه‌) لەم جوگرافیایەدا نەمێنن".

ئه‌وه‌شى خسته‌ڕوو "هێزەکانی تورکیا "بەرەی زابیان داخستووە" لە باکووری عیراق، چالاکییەکانمان لە ناوچەکە بەردەوامن و بە هەمان خێرایی و ئیرادە بەردەوام دەبن".

ع