مه‌ودا میدیا-

به‌ڕێوه‌به‌رى گشتیی بازرگانیی هه‌رێم رایده‌گه‌یه‌نێت، ته‌نها ئه‌مساڵ تا كۆتایی مانگى تشرینى یه‌كه‌م زیاتر له‌ 150 هه‌زار ئۆتۆمبێل هاورده‌ى هه‌رێمى كوردستان كراون.

نه‌وزاد شێخ كامیل، به‌ڕێوه‌به‌رى گشتیی بازرگانیی هه‌رێم به‌ مه‌ودا میدیاى راگه‌یاند "ئه‌مساڵ زیاتر له‌ 820 مۆڵه‌ت به‌ بازرگانان دراوه‌ بۆ هاورده‌كردنى ئۆتۆمبێل بۆ ناوخۆى هه‌رێم".

وتیشى "تا كۆتایی مانگى تشرینى یه‌كه‌م به‌پێى ئه‌و مۆڵه‌تانه‌ى درابوون، زیاتر له‌ 150 هه‌زار ئۆتۆمبێل هاورده‌ى هه‌رێمى كوردستان كراون و هاورده‌كردنیش به‌رده‌وامى هه‌یه‌".

ئه‌وه‌شى خسته‌ڕوو "پێشبینى ده‌كه‌ین تا كۆتایی ساڵ ئاماره‌كه‌ زۆر زیاتر بێت چونكه‌ به‌شێكى ئه‌وانه‌ى مۆڵه‌تیان وه‌رگرتووه‌ بۆ هاورده‌كردنى ئۆتۆمبێل هێشتا ئۆتۆمبێله‌كانیان هاورده‌ نه‌كردووه‌".

ع