مەودا میدیا-

لیژنەی دارایی پەرلەمانی عیراق، لە هەوڵدایە بۆ چارەسەركردنی كێشەکانی نەوت و رێكخستنەوەی شێوازی كاركردن لە دەروازە سنوورییەكان لەنێوان هەرێم و بەغدا.

عەتوان عەتوانی، سەرۆكی لیژنەی دارایی لە پەرلەمانی عیراق رایگەیاند، لەپێناو چارەسەركردنی كێشەی نەوت، چەند جارێك لەگەڵ وەزارەتی نەوت كۆبوونەتەوە".

ئاماژەی بۆ ئەوەشکرد "جیاوازییەكی زۆر لە ژمارەكانی حكومەتی هەرێم و عیراق لە داهاتە نانەوتییەكان هەیە".

ئەوەشی خستەڕوو "گفتوگۆکانیان لەگەڵ حکومەتی هەرێم و بەغدا بەمەبەستی گەیشتن بە رێككەوتن لەسەر شێوازی رێكخستنەوەی كاركردن لە دەروازە سنوورییەكان بەردەوامە".

ب ح