مەودا میدیا-

فڕۆكە جەنگییەكانی عیراق حەشارگەیەكی داعش-یان لە یەکێک لە ئەشکەوتەکانی چیاکانی حەمرین بۆردومان كرد و بەهۆیەوە 3 چەكداری داعش كوژران. 

ئوسامە سەهلانی، بەڕێوەبەری راگەیاندن و پەیوەندییەکانی هەواڵگری سەربازیی لە وەزارەتی بەرگری عیراق رایگەیاند "حەشارگەیەکی تیرۆریستانی داعش-یان لە زنجیرە چیاکانی حەمرین بۆردومانکردووە".

ئاماژەی بۆ ئەوەشکرد "بۆردومانکە لەرێی فڕۆکەی ئێف-16وە ئەنجامدراوەو بەپێی ئامارە سەرەتاییەکان 3 ئەندامی داعش لە حەشارگەکەدا کوژراون".

ئەوەشی خستەڕوو " ئۆپەراسیۆنەكانیان بەئامانجی ریشەكێشكردنی تەواوی شانە و حەشارگەکانی داعش لەسەر خاكی عیراق بەردەوام دەبێت".

ب ح