مەودا میدیا-

ئەمڕۆ یەکشەممە 2024/12/29، وەزارەتی ناوخی عیراق ئاماری کاروچالاکییەکانی بۆ ساڵی 2024 بڵاوکردەوە.

میقداد میری، وتەبێژی وەزارەتی ناوخۆی عیراق رایگەیاند "لەمساڵدا دوو هەزار و 103 ئەفسەری وەزارەتەکەیان بەهۆی گەندەڵییەوە لە کارەکانیان دوورخستووەتەوە".

ئاماژەی بۆ ئەوەشکرد "لەمساڵدا 662 تۆڕی بازرگانی بە ماددەی هۆشبەرەکانیان هەڵوەشاندووەتەوە و 148 تاوانباریش سزای لەسێدارەدانیان بۆ دەرکراوە".

ئەوەشی خستەڕوو "هەموو ئەو کامێریانەی لەسەر سنووری عیراق-سوریا جێگیرکراون راستەوخۆ وێنەکان دەگوازنەوە بۆ بەغدا و لە ناوەندەوە چاودێریی سنوورەکان دەکرێن".

باسی لەوەشکرد "لە 83٪ی پەلامارە تیرۆریستییەکان لە عیراق کەمیکردووە و رێژەی تاوانی مەترسیداریش 20٪ کەمبووەتەوە".

وتیشی "لەمساڵدا 92 تۆڕی جۆراوجۆر دەستگیرکراون لەناویاندا دەستدرێژی سێکسی و سواڵکردن و بازرگانیکردن بە مرۆڤەوە".

ب ح