مه‌ودا میدیا-

وەزیری دەرەوەی تورکیا هەڕەشە ده‌كات و ده‌ڵێت، ره‌نگه‌ هێرش بكه‌نه‌ سه‌ر رۆژئاواى كوردستان.

هاكان فیدان، وه‌زیرى ده‌ره‌وه‌ى توركیا رایگه‌یاند "تورکیا بوونی هێزە کوردییەکان لە سنوورەکانی خۆی وەکو مەترسییەک بۆ سەر ئاسایشی نەتەوەیی وڵاتەکەی ته‌ماشا ده‌كات".

وتیشى "ئەگەر داخوازییەکانی ئەنقەرە لە سوریا رەچاو نەکرێت ئەو مەترسییە هەیە کە تورکیا ئۆپراسیۆنی سەربازی لە دژی هێزەکانی سوریای دیموکرات ئه‌نجامبدات".

ئه‌وه‌شى خسته‌ڕوو "ئێمە خوازیاری نووسینی دەستوورێکی نوێ لە سوریا و گەڕانەوەی ملیۆنان ئاوارەی هاوڵاتیی ئەو وڵاتە بۆ ناچه‌كانیان، ئێمە هیچ دوودڵی و گومانێک ناکەین لە ئەنجامی ئۆپراسیۆنی سەربازی لە دژی تیرۆریستەکان چونکه‌ ئەوان هەڕەشەن بۆ سەر سوریا، عیراق و تورکیا".

ع