مه‌ودا میدیا-

نرخى مریشكى زیندوو له‌ بازاڕه‌كان دابه‌زینى تۆماركرد و یه‌ك كیلۆ بۆ خوار 2250 دینار هه‌رزانبوو.

رێژین قادر، مریشكفرۆش به‌ مه‌ودا میدیاى راگه‌یاند "نرخى یه‌ك كیلۆ مریشكى زیندوو له‌ بازاڕ بۆ خوار 2250 دینار هه‌رزانبووه‌".

وتیشى "له‌ هۆڵه‌كان یه‌ك كیلۆ به‌ 2000 تا 2100 دیناره‌، له‌ ده‌ره‌وه‌ش به‌ 2250 تا 2350  دیناره‌".

ئه‌وه‌شى خسته‌ڕوو "هه‌رزانبوونى نرخى مریشك بۆ ئه‌وه‌ ده‌گه‌ڕێته‌وه‌ مریشكێكى زۆر له‌ هۆڵه‌كان هه‌یه‌ و خستنه‌ڕوو زیاتره‌ له‌ خواستى هاوڵاتییان".

پیشتریش خاوه‌ن كێڵگه‌ په‌له‌وه‌رییان ئه‌وه‌یان بڵاوكرده‌وه‌ "به‌هۆى دابه‌زینى نرخى مریشك رووبه‌ڕووى زیانێكى زۆر بوونه‌ته‌وه‌".

ع