مەودا میدیا-

ئەمڕۆ دووشەممە 2025/1/13، سەرۆكی هەرێمی كوردستان دوای سەردانەکەی بۆ بەغدا لەگەڵ سەرۆک وەزیرانی عیراق کۆبووەوە و جەختی لە پشتیوانی هەنگاوەکانی حکومەتی فیدراڵ کردەوە.

نوسینگەی راگەیاندنی سەرۆک وەزیرانی عیراق بڵاویکردەوە"محەمەد شەیاع سودانی و  نێچیرڤان بارزانی، تاوتوێی پێشهات و رووداوەکانی سەر گۆڕەپانی عیراق و ناوچەکەیان کردووە".

ئاماژەی بۆ ئەوەشکرد "جەخت لەپێویستی پشتیوانیکردنی هەنگاوەکانی حکومەتی فیدراڵی کرایەوە، بەشێوەیەک خواستەکانی گەلی عیراق لە تەواوی وڵات بەدیبهێنێت".

ئەوەشی خستەڕوو "هەردوولا دووپاتیانکردووەتەوە کە باشترین رێگە بۆ حکومەتی فیدراڵی و هەرێم، پابەندبوونە بە بنەماکانی دەستوور و ئەوەی لە یاسای بودجەی گشتییدا پەسەندکراوە".

ب ح