مه‌ودا میدیا-

به‌ڕێوه‌به‌رى سامانى ئاژه‌ڵ رایده‌گه‌یه‌نێت، نرخى ئاژه‌ڵى زینه‌قه‌پان له‌ هه‌رێمى كوردستان دابه‌زیووه‌ و به‌هۆیه‌وه‌ گۆشتى سوور له‌ بازاڕه‌كان هه‌رزانبووه‌.

فیراس سدیق، به‌ڕێوه‌به‌رى سامانى ئاژه‌ڵ له‌ وه‌زاره‌تى كشتوكاڵى حكومه‌تى هه‌رێمى كوردستان به‌ مه‌ودا میدیاى راگه‌یاند "نرخى ئاژه‌ڵ به‌شێوه‌ى زینه‌قه‌پان هه‌رزانبووه‌ و به‌شێوه‌یه‌كى به‌رچاو دابه‌زیووه‌".

وتیشى "ئێستا نرخى یه‌ك كیلۆ زینه‌قه‌پان بۆ كار و به‌رخ 7500 دیناره‌، ئاژه‌ڵى گه‌وره‌ش بووه‌ به‌ شه‌ش هه‌زار دینار، ساڵى رابردوو گه‌یشته‌ سه‌رو ده‌ هه‌زار دینار بۆ یه‌ك كیلۆ".

ئه‌وه‌شى خسته‌ڕوو "به‌هۆى دابه‌زینى نرخى زینه‌قه‌پان، گۆشتى سوور له‌ بازاڕه‌كاندا به‌شێوه‌یه‌كى به‌رچاو هه‌رزانبووه‌".

ع