مه‌ودا میدیا-


ئەنجومەنی باڵای دادوەریی عیراق رایگەیاند، مانگى 12ى ساڵى رابردوو له‌ پارێزگاكانى عیراق زیاتر له‌ پێنج هه‌زار هاوسه‌رجیابوونه‌ته‌وه‌.

به‌پێى ئامارێكى كه‌ ئه‌نجومه‌نى باڵاى دادوه‌ریی عیراق بڵاویكردووه‌ته‌وه‌ "ئاماری جیابوونەوەی هاوسەران تەنها لە مانگی کانوونی یه‌كه‌مى 2024، واته‌ مانگى 12، لە پارێزگاى بەغدا گەیشتووەتە هەزر و 848 حاڵەتی جیابوونەوە".

هه‌روه‌ها "لە پارێزگاکانی عیراق کۆی حاڵەتەکانی جیابوونەوەی هاوسەران لەو مانگه‌دا پێنج هەزار و 99 حاڵەتی جیابوونەوە بووه‌".

ئه‌وه‌ش خراوه‌ته‌ڕوو " 28 هەزار و 980 گرێبەستی هاوسەرگیریش واژۆکراوە، ئاماره‌كان هه‌رێمى كوردستانى تێدا نییه‌ و ته‌نها پارێزگاكانى عیراقه‌".

بێرى قادر، پارێزه‌ر به‌ مه‌ودا میدیاى راگه‌یاند "له‌ عێراق و له‌ هه‌ر ناوچه‌یه‌كى تریش، هۆكاره‌كانى جیابوونه‌وه‌ى هاوسه‌ران زۆرن، به‌ڵام به‌ گشتیی، سۆشیال میدیا، خیانه‌ت و لێكتێنه‌گه‌یشن، زۆرترین ئه‌و هۆكارانه‌ن كه‌ هاوسه‌ر به‌هۆیانه‌وه‌ لێك جیاده‌بنه‌وه‌".

وتیشى "تاك عیراق و كوردیش وشیارنین، ئه‌وه‌ى گرنگه‌ پێویسته‌ وشیاركردنه‌وه‌ هه‌بێت، كه‌ پرۆسه‌یه‌كى له‌و شێوه‌یه‌ گرنگ نه‌ ئاسانه‌ ئانجامدانى، نه‌ ئاسانیشه‌ جیابوونه‌وه‌".

ع