مه‌ودا میدیا-

كۆمیسیۆنی عیراق له‌ باره‌ى كاتى به‌ڕێوه‌چوونى هەڵبژاردنی پەرلەمانی عیراقه‌وه‌ زانیاریی نوێ ده‌خاته‌ڕوو، باس له‌وه‌ش ده‌كات "دیاریكردنى كاته‌كه‌ى پێویسته‌ 45 رۆژ پێش وادەی كۆتایهاتنی خولی ئێستای پەرلەمان بێت".

جومانە غه‌لای، وتەبێژی كۆمسیۆنی باڵای سەربەخۆی هەڵبژاردنەكانی عیراق ئاماژه‌ى به‌وه‌كردووه‌ "سەرۆكایەتیی ئەنجومەنی وەزیران بە هەماهەنگیی و راوێژ لەگەڵ كۆمیسیۆنی هەڵبژاردنەكان، كاتى هەڵبژاردنی ئایینده‌ى پەرلەمانی عیراق دیاری دەكرێت".

راشیگه‌یاندووه‌ "مەرجە و ده‌بێت هەڵبژاردنی ئایینده‌ بكه‌ویته‌ كاتێكەوە كە لانی كەم 45 رۆژ كەمتر بێت لە كاتى كۆتایهاتنی خولی ئێستای پەرلەمان".

روونیشیكردووه‌ته‌وه‌ "پێویسته‌ كاتى به‌ڕێوه‌چوونى بەر لە رۆژی 25ی11ى2025 بێت".

پ ح ع