ئابووری
ته‌نها له‌به‌هاردا ده‌توانین كاره‌باى 24 كاتژمێریی دابینبكه‌ین
مەودا میدیا - سلێمانی |
مه‌ودا میدیا-
بریكارى وه‌زاره‌تى كاره‌باى حكومه‌تى هه‌رێمى كوردستان رایگه‌یاند، له‌به‌هاردا ده‌توانین كاره‌باى 24 كاتژمێریی بۆ خه‌ڵك دابینبكه‌ین.
كامیل قه‌زاز، بریكارى وه‌زاره‌تى كاره‌باى حكومه‌تى هه‌رێم رایگه‌یاند "لە وەرزی بەهاردا توانای بەرهەمهێنانی كارەبا لە چوار هەزار و 500 مێگاوات كارەبا نزیك دەبێتەوە".
وتیشى "ئەگەر غاز بۆ وێستگەكان دابینبكرێت، ئەوە دەتوانین كارەبای 24 كاتژمێری بۆ هاوڵاتییان دابین بکەین".
ئه‌و قسه‌ى به‌رپرسه‌كه‌ى وه‌زاره‌تى كاره‌با له‌كاتێكدایه له وه‌رزى هاوین و زستان كه هاوڵاتیی پێویستى به كاره‌بایه، له باشترین حاڵه‌ت ناگاته 10 كاتژمێر به‌تایبه‌ت له وه‌رزى زستان كه رۆژانه شه‌ش بۆ هه‌شت كاتژمێر كاره‌با ده‌درێته هاوڵاتییان.
ع
بیروڕا
