مەودا میدیا-

وەزارەتی دارایی و ئابووری هەرێمی کوردستان، سەبارەت بە دوایین کۆبوونەوەکانی وەفدی هەرێم و وەزارەتی دارایی عیراق راگەیەندراوێکی بڵاوکردەوە.

وەزارەتی دارایی هەرێم رایگەیاند "کۆبوونەوەی وەفدەکەیان لەگەڵ وەزارەتی دارایی عیراق بەردەوامە و لەنزیکترین کاتدا کارەکانیان تەواو دەکەن".
 
دەقی راگەیێندراوەکە:
  
رۆژی شەممە 1ی شوباتی 2025، بۆ رۆژی دووەم کۆبوونەوەکانی وەفدی هەرێمی کوردستان و وەزارەتی دارایی عیراق لە شاری بەغداد بەردەوامی هەیە.
 
لەو چوارچێوەیەشدا تیمە هونەریەکانی وەزارەتی دارایی هەرێمی کوردستان لەگەڵ تیمە هونەریەکانی وەزارەتی دارایی حکومەتی فیدراڵ بەردەوامن لە کۆبوونەوە بەمەبەستی چارەسەرکردنی کێشە هونەریەکان، چاوەڕێ دەکرێت لە نزیکترین کاتدا کارەکان تەواو بکەن.

ب ح