مه‌ودا میدیا-

فەرماندەی گشتیی هێزەکانی سوریای دیموکرات رایگەیاند، دەیانەوێت سوریا وڵاتێکی سیکولار و سڤیل بێت و نایانەوێت وەکو هەرێمی کوردستان حکومەت و پەرلەمانی ئەوتۆنۆمیان هەبێت.

مەزڵوم عەبدی، فەرماندەی گشتیی هێزەکانی سوریای دیموکرات رایگه‌یاند "رووخانی رژێمى به‌شار ئه‌سه‌د هەنگاوێکی مێژوویی بوو، لەسەر ئەو بنەمایەش پێویستە سوریای نوێ بەبێ حیزبی بەعس و ئایدۆلۆژیاکەی بێت".

وتیشى "دەمانەوێت بەیەکەوە سوریا بەرەو پێشەوە ببەین، نامانه‌وێت هه‌رێمێك بین له‌ ده‌ره‌وه‌ى سوریا".

ئه‌وه‌شى خسته‌ڕوو "لە گفتوگۆکانمان بەردەوامین و بەردەوام هەوڵدەدەین ببینین ئاخۆ داهاتووی سوریا چۆن دەبێت، لەسەر بنەمای ئەو گفتوگۆیانەش بڕیاری خۆمان دەدەین،  گفتوگۆکانیان لەگەڵ بەرپرسانی دیمەشق بە نێوەندگیری هاوپەیمانی نێودەوڵەتی دژی داعش ده‌بێت".

ع