مه‌ودا میدیا-

بڕیاره‌ سبەینێ به‌ مه‌به‌ستى بڕیاردان لە سه‌ر ئاماده‌كردنى لیستی مووچەی مانگی دوو،  لە وەزارەتی دارایی هەرێم کۆبوونەوە بکرێت.

به‌پێى ئه‌و زانیارییانه‌ى ده‌ست مه‌ودا میدیا كه‌وتووه‌، وەزارەتی دارایی حكومه‌تى هه‌رێمى كوردستان لەرێگەی نووسراوێکەوە هه‌موو وەزارەتەکانی ئاگادارکردووتەوە، سبەینێ یەکشەممە لە وەزارەتی دارایی سه‌باره‌ت به‌ لیستی مووچەی مانگی دوو کۆبوونەوە دەکرێت لە نێوان بەشی ژمیریاری و مووچەی میلاکاتی سەرجەم وەزارەتەکان.

هەر بەپێی زانیارییەکان، لەسەر بنەمای مووچەی مانگی یەک لیستی مانگی دووش ئامادە ده‌كرێت و له‌ به‌ر ئه‌وه‌ى رێككه‌وتنه‌كه‌یان له‌گه‌ڵ به‌غدا به‌و شێوه‌یه‌یه‌ كه‌ لیستی مووچەی مانگی یەک بكرێتە بنەما بۆ هه‌موو مانگەکانی ئەمساڵ.

پ ح ع