مه‌ودا میدیا-

دواى ئه‌وه‌ى ژمارەیەک لە خانەنشینانی پێشمەرگە دژی بڕینی بەشێک لە مووچەکانیان لە سلێمانی گردبوونەوە، بەڕێوەبەری بانكی خانەنشینی پێشمەرگە رایدەگەیەنێت "لە مانگی داهاتووەوە كێشەی موچەكانیان چارەسەر دەكرێت و وەك پێشوی لێدێتەوە".

خانەنشینان ئاماژه‌یان به‌وه‌كردووه‌ "نزیکەی پێنج هەزار ئەفسەر و پێشمەرگەی خانەنشین بێ ئه‌وه‌ى گەڕابێتنه‌وه‌ بۆ ساڵانی خزمەت و پلەکەیان، بڕێکی زۆر پارەیان لێبڕدراوە و بڕیاره‌كه‌ش تەنیا لە سلێمانی جێبەجێکراوە".

راشیانگه‌یاندووه‌ "ئەو خانه‌نشینانه‌ى پارەیان لێبڕاوە خاوەنی نزیکەی 30 ساڵ خزمەتن و کە تێیاندایه‌ بڕی 500 هەزار دینار لە مووچەکەی بڕاوە".

هاوكات، عەزیز عەلی، بەڕێوەبەری خانەنشینی پێشمەرگەش ئاشكرایكرد "كێشكه‌یان له‌ مانگى دوودا چاره‌سه‌ر ده‌كرێت و ئەو بڕه‌ پارەیەی له‌ مانگی یەك لێیان بڕاوە، لە كاتى دابه‌شكردنى مووچەی مانگی دوو بۆیان قەرەبوو دەكرێتەوە".

پ ح ع