مەودا میدیا-

کاندیدێکی دەرچووی کۆمەڵی دادگەریی بۆ پەرلەمانی کوردستان بڵاویکردەوە کە حکومەتی هەرێم 10 ساڵی تەواوە بە نایاسایی پلەبەرزکردنەوەی 350 هەزار مامۆستاو فەرمانبەری راگرتووە.

عومەر گوڵپی، کاندیدی دەرچووی کۆمەڵی دادگەری بۆ پەرلەمانی کوردستان بە مەودا میدیای راگەیاند "ئێستا میدیای دەسەڵات دەیەوێت بڵێت  تاوانی راگرتنی پلەبەرزکردنەوەی مامۆستا و فەرمانبەرانی هەرێمی کوردستان بەهۆی رێنماییەکانی ئەم مانگەی وەزارەتی دارایی عیراقەوە بووە".

ئاماژەی بۆ ئەوەشکرد "ساڵی 2016 ئەنجومەنی وەزیران لە کابینەی هەشت (کابینەی سیاسەتی ئابووری سەربەخۆ) بە فەرمانێک پلە بەرزکردنەوەی راگرت کابینەی نۆش (کابینەی شکست و قەیرانەکان) درێژەی بەو کارە نایاساییەی کابینەکەی پێش خۆیدا".

ب ح