مه‌ودا میدیا-

لیژنەی دەستپاكی له‌ ئه‌نجومه‌نى نوێنه‌رانى عیراق ئاماژه‌ به‌ هه‌نگاوى ده‌ستپێكردنى پرۆسه‌ى ته‌وتینى مووچه‌ى مووچەخۆرانی هەرێمى كوردستان ده‌كات و ده‌ڵێت "له‌گه‌ڵ به‌ڕێوه‌به‌رانى بانكه‌ فیدراڵییه‌كان لەبارەی گرنگی تەوتین گفتوگۆیان كردووە، بە شێوەیەك كە مافەكانیان گەرەنتی بكرێت".

لە بەیاننامەیەكدا لیژنەكه‌ بڵاویكردووه‌ته‌وه‌ "لیژنەی دەستپاكی پەرلەمان بە سەرۆكایەتیی سەرۆكی لیژنە و بە میوانداری بیلال سەباح، بەڕێوەبەری گشتیی بانكی بازرگانی عیراق و عەلی كەریم ئەلفەتلاوی، بەڕێوەبەری گشتیی بانكی رافیدەین و وەفا شەرحان غانم، بەڕێوەبەری گشتیی بانكی رەشید، كۆبوونەوە بۆ تاوتوێكردن و گفتوگۆكردن لەسەر كۆمەڵێك بابەتی دارایی و بانكی كراوه‌".

ئه‌وه‌ش هاتووه‌ "گفتوگۆ كرا لەسەر ستراتیژی كاركردنی بانكەكان و بابەتی تەوتینی مووچەی مووچەخۆرانی هەرێم و كردنەوەی لقەكانی بانك لە هەرێمى كوردستان".

روونیشیكراوه‌ته‌وه‌ "هاوكات لە كۆبوونەوەكەدا باس لە گرنگی پەرەپێدانی پەیوەندی نێوان هەردوولا كرا بۆ تەوتین كردنی مووچە لەو بانكانە و هەروەها گفتوگۆ كرا لەسەر بابەتی قەرز و هەڵسەنگاندنی قەرز لە بانكەكان".

پ ح ع