مەودا میدیا-

ئەمڕۆ یەكشەممە، نرخی نەوت لە بازاڕەكانی جیهان بەرزبوونەوەی تۆماركرد و نەوتی خاوی ئەمریكیش بەرزبوونەوەی تۆماركرد ئەوەش لەكاتێكدایە نرخی هەردوو جۆری نەوتی برێنت و خاوی ئەمریكی هەفتەی رابردوو بە تەواوی دابەزین.

بەپێی هەواڵێكی ئاژانسی رۆیتەرز "ئەمڕۆ یەكشەممە، 26ی نیسان نرخی نەوتی جۆری برێنت كەمێك بەرزبووەتەوە و ئێستا یەك بەرمیل بە 21 دۆلار و 91 سەنتە".

هەروەها "نرخی نەوتی خاوی ئەمریكی 17 دۆلار و 19 سەنتە و هەر دوو جۆری نەوتەكەش كەمێك بەرزبوونەتەوە".

بەرزبوونەوەی نرخی نەوت لە كاتێكدایە هەفتەی رابردوو یەك بەرمیل نەوتی خاوی ئەمریكی بۆ خوار یەك دۆلار دابەزی، نەوتی برێنتیش بۆ 15 دۆلار دابەزی.