مەودا میدیا-

قائیمقامی قەزای دەربەندیخانی سەر بە پارێزگای سلێمانی رایدەگەیەنێت، ئەوانەی هیچ مووچەیەكیان نییە سبەینێ پەیوەندی بكەن بە چاودێری گەشەپێدانی كۆمەڵایەتی دەربەندیخان.

لە ئاگاداریەكی قائیمقامیەتی دەربەندیخان هاتووە " ئاگاداری هاوڵاتیانی شاری دەربەندیخان و سنورەکەی دەکەین ئەوانەی هیچ مووچەیەکیان نییە کە بڕەکەی هەرچەنێک بێت بۆ ناونوسین کردنیان بەمەبەستی سودمەند بوونیان لە هاوکاریەکان سەردانی چاودێری گەشەپێدانی کۆمەلایەتی دەربەندیخان بکەن".

ئاماژە بەوەشكراوە " لە بەرواری 27ی نیسان، واتە سبەی دووشەممە، پێویستە لەسەر هەر هاولاتییەک ئەم پێداویستیانە لەگەل خۆی بهێنێت، ئیستینساخی فۆرمی خۆراکی سەرۆک خێزان، ناسنامەی باری شارستانی یان کارتی نیشتمانی، ژمارەی مۆبایل".