مەودا میدیا-

ئەمڕۆ سێشەممە، نرخی نەوت لە بازاڕەكانی جیهان دابەزینی تۆماركرد دوای ئەوە لە چەند رۆژی رابردوو بەردەوام بوو لە بەرزبوونەوە.

بەپێی هەواڵێكی ئاژانسە جیهانییەكان "ئەمڕۆ سێشەممە، نرخی یەك بەرمیل نەوتی برێنت بۆ 40 دۆلار و 25 سەنت دابەزیووە و نەوتی خاوی ئەمریكیش بۆ 37 دۆلار و 64 سەنت".

ئەو دابەزینە لە كاتێكدایە كە نەوتی برێنت پێش چەند رۆژێك بۆ سەرو 42 دۆلار بەرزبووە و خاوی ئەمریكیش بۆ سەرو 39 دۆلار بەرزبووە.

دابەزین و بەرزبوونەوەی نرخی نەوت كاریگەری راستەوخۆی دەبێت لەسەر داهاتی هەرێمی كوردستان بەو پێیەی بۆ دابەشكردنی مووچەی فەرمانبەران پشت بە داهاتی نەوت دەبەسترێت.