مەودا میدیا-

لە ده‌روازه‌ی نێوده‌وڵه‌تی حاجی ئۆمه‌ران له‌ سنووری ناوچه‌ی باڵه‌كایه‌تی ده‌ست  به‌سه‌ر بڕێك پاره‌ی ساخته‌ی عیراقیدا گیرا.

ژووری راگەیاندن و پەیوەندییەکانی دەروازەی نێودەوڵەتی حاجی ئۆمەران لە راگەیاندراوێکدا بڵاویکردەوە "شەوی پێنجشەممە رێکەوتی (2/1/2020) کارمەندانی بنکەی نەهێشتنی ماددەی ھۆشبەرەکان له‌ کۆمەڵگای دەروازەی نێودەوڵەتی حاجی ئۆمەران توانیان دەست بەسەر (2,525,000) دوو ملیۆن و پێنج سەد و بیست و پێنج هەزار دینار پارەی ساخته‌ی عیراقیدا بگرن".

ئاماژە بەوەشکراوە "ژماره‌یه‌ك قاچاغچی بە ڕەگەز ئێرانی، دەیانویست بە شێوەیەکی نھێنی و بە قاچاغ ئەو پارە ساخته‌یه‌ بهێنن و له‌ بازاڕه‌كانی ھەرێمی کوردستان ساغی بكه‌نه‌وه‌".