مه‌ودا میدیا-

ره‌جه‌ب ته‌یب ئه‌ردۆغان سه‌رۆككۆماری توركیا و دۆناڵد تره‌مپ سه‌رۆكی ئه‌مریكا په‌یوه‌ندییه‌كی ته‌له‌فۆنییان ئه‌نجامدا.

ئاژانسی فه‌رمیی توركیا بڵاوی كرده‌وه‌ ئه‌ردۆغان و تره‌مپ تاوتوێی په‌یوه‌ندییه‌ دوو قۆڵییه‌كان و پێشهاته‌كانی ناوچه‌كه‌یانكردووه‌ له‌سه‌روویانه‌وه‌ دوایین په‌ره‌سه‌ندنه‌كانی دۆخی لیبیا و سوریا.

ئه‌ردۆغان نیگه‌رانی خۆی گه‌یاندووه‌ته‌ دۆناڵد تره‌مپ له‌باره‌ی هێرشه‌كانی حه‌شدی شه‌عبی بۆسه‌ر باڵیۆزخانه‌ی ئه‌و وڵاته‌ له‌ عێراق.

كۆشكی سپی ده‌رباره‌ی په‌یوه‌ندییه‌ ته‌له‌فۆنییه‌كه‌ رایگه‌یاند، دۆناڵد تره‌مپ له‌باره‌ی ده‌ستوه‌ردان له‌ بارودۆخی لیبیا له‌لایه‌ن توركیاوه‌ هۆشداری داوه‌ته‌ ره‌جه‌ب ته‌یب ئه‌ردۆغان.