مەودا میدیا-

ئاگر لە دارستانەکانی سنووری پێنجوێن کەوتووەتەوە و تاوەکو ئێستا بەردەوامی هەیە و کۆنتڕۆڵ نەکراوە، ئاگرەکەش سنووری گوندەکانی (هەڵاڵاوا، مەسۆ، کێلو، نزارە، دەرەگورگانی) گرتووه‌تەوە و به‌هۆیه‌وه‌ دوو كه‌س برینداربوون و كه‌سێكش له‌سه‌ر ئاگره‌كه‌ ده‌ستگیركراوه‌.

مقەدەم/ سەردار ئەحمەد رەشید، بەڕێوەبەری پۆلیسی دارستان و ژینگەی پێنجوێن رایگەیاند "بەهۆی سەختی ناوچەکە و مەترسی هەبوونی مین و تەقەمەنی کاری تەواوی تیمەکانی سەخت کردووە".

ئاماژەی بۆ ئەوەشکرد " بەسەرپەرشتی و ئامادەیی بەڕێوەبەرایەتی گشتیی پۆلیسی دارستان و ژینگەی سلێمانی تیمەکانی بنکەی (پێنجوێن، بنکەکانی سەیدسادق، شارەزوور و قەرەداغ)، هەروەها تیمی خۆبەخش و رێکخراوی ملەکەوە برشدارییان لە هەڵمەتەکەدا کردووە".

ئەوەشی خستەڕوو "خۆیی و چەند کەسێکی تر بەهۆی ئاگرەکەوە برینداربوون و لەئێستاشدا کەسێک بەتۆمەتی نانەوەی ئاگرەکە دەستگیرکراوە و لێکۆڵینەوە و بەدواداچوون بەردەوامە".

ب ح