مه‌ودا میدیا-

ئه‌مشه‌و له‌ گوندی قوله‌ڕه‌شی سه‌ربه‌شارۆچكه‌ی سیته‌كی پارێزگای سلێمانی، فه‌رمانده‌یه‌كی پێشمه‌رگه‌ له‌ماڵه‌كه‌ی خۆیدا كوژرا.

به‌پێی زانیارییه‌كان 4 كه‌س هه‌ڵیان كوتاوه‌ته‌ سه‌رماڵی ئه‌و پێشمه‌رگه‌یه‌ و ده‌ستڕێژی گولله‌یان لێكردووه‌ و ده‌ستبه‌جێ‌ گیانی له‌ده‌ستداوه‌.

ئه‌و فه‌رمانده‌یه‌ی پێشمه‌رگه‌ ناوی (س،د،م) ه‌و ته‌مه‌نی 62 ساڵه‌ و خانه‌نشینی پێشمه‌رگه‌ بووه‌.

دوای رووداوه‌كه‌ به‌مه‌به‌ستی توێكاری، ته‌رمی ناوبراو ره‌وانه‌ی پزیشكی دادی سلێمانی كراوه‌.

تائێستا روون نیه‌ هۆكاری كوژرانی ئه‌و فه‌رمانده‌یه‌ی پێشمه‌رگه‌ چییه‌.