مەودا میدیا-

ئەمڕۆ پێنجشەممە، جارێكی تر نرخی نەوت دابەزینی تۆماركرد و ماوەی دوو رۆژە بەرێژەیەكی بەرچاو نرخەكەی دابەزیووە، ئەو دابەزینەش كاریگەری لەسەر داهاتی هەرێمی كوردستان و عیراق دەكات.

ئەمڕۆ پێنجشەممە، نرخی یەك بەرمیل نەوتی برێنت بۆ 39 دۆلار و 80 سەنت و خاوی ئەمریكش بۆ 37 دۆلار و 40 سەنتە.

لە ماوەی دوو رۆژی رابردوودا، نرخی نەوتی برێنت چوار دۆلار دابەزیووە و ئەوەش خێراترین رێژەی دابەزینە دوای ئەوەی ماوەیەكە بەشێوەیەكی هێواش نرخەكەی بەردەوامە لە بەرزبوونەوە.