مەودا میدیا-

ئەمڕۆ هەینی نرخی بەرمیلێك نەوتی خاوی برێنت لە بازاڕەكانی جیهاندا بەرزبووەوە و گەیشتە 41 دۆلار و 64 سەنت،  لە كاتیكدا دوێنێ پێنجشەممە نرخی بەرمیلێك نەوتی خاوی برێنت بە 39 دۆلار و 80 سەنت مامەڵەی پێوەكرا.

هەروەها نرخی بەرمیلێك نەوتی خاوی خۆرئاوای تەكساس بە 39 دۆلار و 21 سەنتە، ئەمە لە كاتێكدایە دوێنێ پێنجشەممە بە 37 دۆلار و 40 سەنت مامەڵەی پێوەكرا.

جێی ئاماژەیە، مانگی نیسانی رابردوو نرخی نەوتی خاوی برێنت و تەكساس لە بازاڕەكانی جیهاندا نزمترین ئاستیان تۆماركرد بەجۆرێك نرخی بەرمیلێك نەوتی برێنت لە خوار 20 دۆلار مامەڵەی پێوەدەكراو خاوی تەكساس-یش گەیشتە -39 دۆلار.