مەودا میدیا-

وەزیری دەرەوەی ئێران رایگەیاند ئەوان کردەوەی ئەمریکا قبوڵ ناکەن ئاماژەی بەوەشکرد دۆناڵد ترەمپ، سەرۆکی ئەمریکا لەپێناو هەڵمەتی هەڵبژاردن قاسم سولەیمانی، سەرۆکی فەیلەقی قودسی ئێرانی کوشتووە.

محه‌مه‌د جه‌واد زه‌ریف، وه‌زیری ده‌ره‌وه‌ی ئێران لە دیمانەیەکدا رایدەگەیاند "تره‌مپ له‌ پێناو هه‌ڵمه‌تی هه‌ڵبژاردن، فه‌رمانداری فه‌یله‌قی قودسی سوپای پاسدارانی كوشت".

زەریف وتیشی "وه‌ڵامی په‌یامێكی ئه‌مەریكایان له‌ رێگه‌ی سویسراوه‌ داوه‌ته‌وه‌ و به‌ گه‌مژانه‌ وه‌سفیان كردووه‌".
وەزیری دەرەوەی ئێران دووپاتیکردەوە "كه‌ ئه‌وان كرده‌وه‌كانی ئه‌مەریكا قبووڵ ناكه‌ن".

ئاماژەی بەوەشکرد "نه‌ته‌وه‌ یه‌كگرتووه‌كان و ئه‌نجوومه‌نی ئاسایشی له‌م هێرشه‌ی ئه‌مەریكا ئاگادار كردووه‌ته‌وە".