مەودا میدیا- سەركۆ جەمال

میسر ئیدانەی هێرشە بەردەوامەكانی توركیا بۆ سەر سەروەری عیراق دەكات، ئەو وڵاتەشی بە هۆكاری ناسەقامگیری ناوچەكە ناوبردووە.

وەزارەتی دەرەوەی میسر، لە بەیاننامەیەكدا بەردەوامی هێرشەكانی توركیای بۆ سەر خاكی عیراق ئیدانەكردووە بەبیانووی پاراستنی ئاسایشی نەتەوەیی توركیا، ئاماژەی بەوەشكردووە بەردەوامیدان بەو هێرشانە رەتكراوەیە و ئاشتی و ئاسایشی هەرێمایەتی زیاتر دەخاتە مەترسییەوە.

وەزارەتی دەرەوەی میسر ئەوەشی خستووەتەڕوو" پشتیوانی تەواوی عیراق و گەلەكەی دەكەن لە بەرەنگاربوونەوەی ئەو هێرشانەی توركیا، داواشی كردووە سەرجەم لایەنەكان رێز لە سەروەری عیراق بە كردەوە و وتەش بگرن.