مەودا میدیا-

جێگری بەڕێوەبەری گشتی تەندروستی سلێمانی رایدەگەیەنێت، هاوڵاتیان پابەندبوونیان بە رێنماییەكان زۆر باشە و ئەگەر بەو شێوەیە بەردەبێت دۆخەكە باشتر دەبێت.

عەبدوڵا ئەحمەد، جێگری بەڕێوەبەری گشتی تەندروستی سلێمانی بە مەودا میدیای راگەیاند "تا رادەیەكی باش تاكپارێزی باش لە لایەن هاوڵاتیانەوە هەیەو هاوڵاتیان پابەندی رێنماییە تەندروستییەكان دەبن".

ئەوەشی خستەڕوو "داواكارین هاوڵاتیان بەباشی خۆیان بپارێزن و نەچنە شوێنە قەرەباڵغییەكان و دەمامك و دەستكێش بۆ كاروباری رۆژانە لە دەرەوە بەكاربهێنن".

وتیشی "دۆخەكە بەراورد بە هەفتەكانی پێشوو باشترە، بۆ ئەوەی هاوڵاتیانیش تووشی ترسان نەبن، حاڵەتەكانی گیان لە دەستدان بڵاوناكەینەوە".