مەودا میدیا-
سەرۆکی یەکێتیی نیشتمانیی کوردستان ئاشکرایکرد هێرشەکەی ئەمدواییە کە شانشینی عهرهبیی سعودیەی بە ئامانجگرت، پهرهسهندنێكی مهترسیداره و ههڕهشه له ئاسایش و سهقامگیریی عیراق و ناوچهكه به گشتی دهكات، به توندی ئیدانەی ئهم هێرشانە و ههر كردهوهیەکی توندوتیژ دهكهن كه ژیانی هاوڵاتییان بخاته مهترسییهوه، سهروهریی نیشتمانی پێشێل بكات، و ببێتە هۆی ناسەقامگیری پهیوهندییه ناوخۆیی و ناوچهییهكان.
بافڵ جەلال تاڵەبانی، سەرۆکی یەکێتیی نیشتمانیی کوردستان رایگەیاند “لهم قۆناغه چارهنووسسازهدا، ئارامگرتن و دانبهخۆداگرتن رێگا راستەکەیە، سهرهڕای ئهوهی كه تۆمهتباركردن و ئینکارییکردنی یەکتر ئاماژهن بۆ هەستیاریی دۆخهكه، بهڵام بەردەوامبوونی گرژییهكان مهترسیی ئهوهی ههیه ناوچهكه بهرهو پهككهوتن و پێكدادانێکی قووڵتر و پێشبینی نهكراو ببات، بهپهله داوا له سهرجهم لایهنهكان دهكهن كه ئارامی خۆیان بپارێزن و خۆیان له ههر رێوشوێنێكی تۆڵهسهندنهوه یان وتارێکی تووند دوور بخهنهوه كه دۆخهكه بەرەو خراپتر ببات”.
ئاماژەی بۆ ئەوەشکرد “ئێستا کاتی جێبەجێکردنی دیپلۆماسییەتە، دهبێت لێکۆڵینهوه لهم هێرشانە بكرێت و هێوركردنهوهی دۆخهكه بكرێته پێشینه بۆ ئهوهی دەرفەتی پێویست بۆ گفتوگۆیەکی بونیاتنهر و بێپچڕان لهنێوان دهسهڵاته فیدراڵییهکان و لایهنه خۆجێییهکاندا دابین بكرێت، ئاسایشی راستهقینه له رێگهی هێزهوه بهدی نایهت، بهڵکو له رێگهی مامهڵهی شهفاف و پابهندبوونێکی هاوبهشهوه به سهروهریی نیشتمانی و ناوچهییهوه دهبێت”.
ئەوەشی خستەڕوو “یهکێتیی نیشتمانیی كوردستان به تهواوی ئامادهیی خۆی دهردهبڕێت بۆ ئاسانكاریی، پشتگیری و هاریکاریکردن له ههر ههوڵێکی ئاشتییانه یان دانووستانێک كه ئامانجی گێڕانهوهی سهقامگیری، پاراستنی بهرژهوهندییهکانی هاوڵاتییان، و مسۆگهركردنی ئاشتی درێژخایهن بێت له سهرتاسهری عیراق و ناوچه فراوانهکهدا”.
ب ح
