مەودا میدیا- سەركۆ جەمال

بەپێی راپۆرتی زانكۆی جۆن هاپیكینز تا ئێستا حەوت ملیۆن ئەمەریكی تووش كۆرۆنا بوون، 200 هەزار تووشبووش لەو وڵاتە گیانیان لەدەستداوە.

لەراپۆرتەكەدا هاتووە، لەسەرتاسەر جیهان تا ئێستا 31 ملیۆن و 500 هەزار كەس تووشی كۆرۆنا بوون و 967 هەزار كەس بەهۆی كۆرۆناوە گیانیان لەدەستداوە.

هەر بەپێی ئەو راپۆرتە، لەریزبەندیدا ئەمەریكا یەكەمین وڵاتی جیهانە كە زۆرترین رێژەی تووشبوو و گیانلەدەستدانی تۆماركردووە و دوای ئەمەریكا هیندستان دێت كە پێنج ملیۆن و 562 هەزار تووشبووی هەیە، هەروەها بەرازیل لە پلەی سێیەمدا دێت بە چوار ملیۆن و 558 هەزار تووشبوو.