مەودا میدیا-
بەشێكی زۆر لە دانیشتوانی شارۆچكەی عەفرین لە رۆژئاوای كوردستان دژی بڕینەوەی باخی زەیتونی كوردەكان خۆپیشادان دەكەن و سەربازەكانی توركیاش رووبەڕوویان دەبنەوە.

بەپێی هەواڵێكی نۆرس پرێس ئەوە هاتووە "هێزەكانی توركیا زیاتر لە 2000 دار زەیتونیان لە عەفرین بڕیوەتەوە و ئەوەش بووەتە هۆكاری توڕەبوونی بەشێكی زۆر لە خەڵكی ناوچەكە".

ماڵپەڕەكە ئاماژەی بەوەشكردووە "ژمارەیەكی زۆر ژن و پیاوی دانیشتووی ناوچەكە بەمەبەستی ئەنجامدانی خۆپیشاندان دژی بڕینەوەی دار زەیتوونەكان چوونەتە بەردەم بارەگای فەرماندەیی هێزەكانی توركیا و داوایان كردووە واز لە بڕینەوەی دار زەیتوونەكانیان بهێنن".

رۆژی 18ی ئاداری 2018 هێزەكانی سوپای ئازادی سوریا بە هاوكاریی توركیا دەستیانگرت بەسەر شارۆچكەی عەفرین و لەوكاتەوە تائێستا بەپێی بەرنامەیەكی دیاریكراو ئەو هێزانە لە هەوڵی شێواندنی جوگرافیای ناوچەكەدان و بەو هۆیەیشەوە بەردەوام لەو شارۆچكەیە خۆپیشاندان دەكرێت.